U PAISE MIU
Sta 'ncavarcatu subba 'nu cristune,
cumu 'nu viekkju subba 'na sumera,
'stu paisiellu dduve sugnu natu
tant'anni arriari.
Arentu si chiamave 'ntiampi antichi,
mo' cumu Vucchiglieri e' ccanusciutu.
E pini e cerze e dde castagne antiche
ha 'nna curuna.
Cca, 'ntra 'nu campusantu pittirillu,
guardati e 'nu cipressu giuvaniallu,
dduv'u cardillu cante e ffa llu nidu,
dormanu i miji.
'A gghiazza ch'e' 'ntru 'mmienzu e du paise
e' ccumu 'nu salottu 'ntra 'na casa
dduve si parre e stanu sempre 'nzema
picculi e rranni.
Cca si vide ll'amicu ccu ll'amicu,
cca si parre dde caccia e dde pallone,
cca si fanu cuntratti e ssi cunkjude
e cca ....Si campe!
EMILIO BENINCASA
Un
po di storia 
A
little bit of history 
