Si quis in verbo non offendit, Hic perfectus est vir.
Chi piezzu e galantuomoch’e’don‘Nuzzu E’ n’avucatu ruossu e si sta citu. Peppinu chi s’avisse stare mutu, Diu l’a’ datu tartagliu Ma illu cante E la catarra chi ci l’accumpagne La sone la mugliera ch’e’ zurdata. Ci va d’azziettu anticu stu dittatu: “U veru uomu perfettu e’ chillu raru chi po parrare forte e si sta citu.”
CIVETTA Povera Cuncetta! l'anu jettatu a nnomina e Civetta! Nu pocu si l'ammierite,ma pu Civetta,e'troppu! E' perchi,quannu camine,e tu li si d'arriedi move le belle natiche,e te guodi, ogni tantu si vote e ti sorride ccu chilla vucca bella e adornata e labbre russe edienti yanchi e avoriu finu chi lu risu u fanu a pizzu! Illa sa ca tu li si de sieguo e chissu e' lu modu suu e ti parrare ca ppe lla via discorsu un si po'fare e sta a tia natra via truvare. A gonna e' longa ,sciota, a mezza gamma, ma illa culla la manu la ntuzze ogne tanru ppe mustrare u jancu chi s'ammucce subba u jinuocchiu! Si tu la vidi alla processione, illa e' ntru mmienzu e atre giuvanelle cumu na regginella;ma a la modestia ch'ill'occhi bielli nun su abituati e ti vide o luntanu o ntra na fulla chille pupille t'anu furminatu. Si passi ppe lla via e da casa sua, illa e' cumu na bandiera allu barcune, ca ci a' nnu specchiciellu arriedi i vitri e scorge a cchiu e trecientu metri ,a tiempu e s'affacciare e fare a rota ccu killa vesta e yuri decorata s 'azi (,e ppecchi no?!)ntiempu n'occhiata, tu ti fa russu mfacce ed illa trase. A vote quannu spustamu ntru barcune i fierri si li fa de postigliuni li strisce ntra le gamme cu mozione pu si ncrapicce e fujie dice ca c'e' mo ncunu allu purtune. Atri vizii un ci nn'a la povarella, e' pura'obediente,quatrarella iu lu sacciu,ca nui simu vicini a stessa eta e tuttu si confide!
PER UN AMICO Si trasutu c'a porta mia e' aperta e quannu dissi chi'e' gia' ere sedutu m'a' dittu cha si ti vuoglio per amicu a vista de la vita aie cangiare mi cumprimienti spissu e pu mi dici ca sugnu de lu suonnu ntantalatu. Tieni u cappiellu ncapu e ranne u mantu chi t'ammuccianu nume e radicatu ma,s'amicu mi si bonu venutu cacciate ssu cappiellu,mantu e scarpe assettate a ssu fuocu e scraffatinne; si nno,ssa porta mia sta sempre aperta fa culu ntietru e passa! Alla finestra c'e' na rasta e garofani ed e' china tiranne llu chiu biellu e mpacciatillu ppe ricuordu e l'orduru e chill'amicu c'a la porta aperta e la passata.
Links correlati:
Calabria
